吹啤脹

今日十一點幾起身趕入大埔,去到大埔個肚鬼死咁餓,於是去左幫襯大埔墟街市對面既一間茶餐廳,估唔到今時今日居然有茶記係無公仔麵餐,心諗咁都唔緊要,冇餐咪另叫囉,貴少少o者。
拿起個餐牌睇睇,好彩都重有食開既沙爹牛肉公仔麵,雙拼都係加四蚊,於是即刻點我最愛既旦牛麵。
當呀姐擺底碗野既時候...我真係覺得好驚喜,佢交比我既係一碗免牛庵列公仔麵...
呀姐,我其實係想食沙爹牛肉加旦公仔麵...而我係個餐牌上亦見唔到有庵列公仔麵囉...
係個一刻我真係好想用谷德超腔講句:[妳做咩o者~~~唔好咁啦~我想食旦牛麵呀!]